A ROSA DO PATRI ETERNU
parlato) Beddra 'n terra, beddra 'n celu,
beddra siti 'n paradisu;
beddru assai è lu Vostru visu.
Pri ssu Figghiu Vostru 'n brazza,
cuncidìtimi 'na grazia!
Cunciditimìlla a mia
chi Vi dicu n'a vimmaria.
Mistica rrosa ‘nterra cumpariu
l’oduri so la terra pinitrau
fu tantu acutu ca ‘ncelu junciu
lu stessu Patri Eternu l’odurau.
Vinni lu tempu e la rosa sciuriu
e a li novi misi spampinau
‘mmeci di fari fruttu fici a Diu.
Maria è la rosa e Virgini arristau.
Ave, Ave , Ave Ave Maria (due volte)

parlato)
Matri Maria chi siti bedda, iu vi salutu,
'n vita e morti lu vostru aiutu;
iu vi salutu cu l'Avi Maria,
o Matri, arricurdativi di mia.
Oh quantu è bedda chista Gran Signura
la fici a modu so l’Eternu Patri
Reggina in angelica natura
Reggina supra li cilesti squatri.
Virgini parturiu sta gran Signura
unica figghia di l’Eternu Patri.
Su tri Pirsuni e fannu na figura
la vosiru pi figghia, spusa e matri.

parlato)
Diu vi salvi, Maria, china di Grazia,
lu Signuri è ccu Vui.
Biniditta siti Vui ntra li fimmini
e binidittu lu fruttu du vostru ventri: Gesù.
Santa Maria, Matri di Diu,
prijati ppi nautri piccatura
ora e nill'ura di la nostra morti. E ccussì sia

LA ROSA DEL PADRE ETERNO
Bella in terra, bella in cielo,
bella siete in paradiso;
bello assai è il vostro viso.
Per questo Figlio vostro in braccia,
concedetemi una grazia!
Concedetela a me
che vi dico una Ave Maria.

Mistica rosa in cielo è apparsa
il suo odore la terra ha penetrato
fu tanto acuto che in cielo giunse
lo stesso Padre Eterno l’ha odorata.
Venne il tempo e la rosa fiorì
e a nove mese perse le foglie
invece di fare frutto fece Dio.
Maria è la rosa e Vergine restò.
Ave, Ave , Ave Ave Maria (due volte)

Madre Maria che siete bella, io vi saluto,
in vita e morte il vostro aiuto,
io vi saluto con l’Ave Maria
o Madre, ricordatevi di me.

Oh quanta è bella questa gran Signora
la fece a modo suo l’Eterno Padre
Regina in angelica natura,
Regina sopra le celesti squadre.
Vergine partorì questa gran Signore
unica figlia dell’Eterno Padre.
Sono tre Persone e fanno una figura
la vollero per figlia, sposa e madre.

Dio vi salvi, Maria, piena di Grazia,
il Signore è con voi.
Benedetta siete Voi tra le donne
e benedetto il frutto del vostro ventre: Gesù
Santa Maria, Madre di Dio,
pregate per noi peccatori
ora e nell’ora della nostra morte. E così sia.