QUANNU NI PATU
musica: Salvatore Riela - testo: Francesco Foti
Oh quantu longa mi pari 'sta strata,
Quantu ni patu p'attruvari a tia!
E lu cavaddu si ferma di 'cchianata,
La rota pigghia scaffi e nun furria.
Partu ccu' lu bon tempu, a matinata;
Lu suli mi faceva cumpagnia....
Poi vinni la timpesta,
Timpesta a l'impinsata
E lu cavaddu persi la varia.
Ma si t'affacci di la barcunata
Quannu la vuci di l'amuri senti,
Torna lu suli 'ntra la me' iurnata
E scordu tutti li me' patimenti.
Rosa di maju frisca, spampinata,
Sbucciata sula a lu me' cori ardenti...
Ppri mia lu ventu e l'acqua,
L'acqua e la jlata,
Quannu passu di cca nun su' cchiù nenti!
|
QUANTE NE PATISCO
Oh quanto lunga mi sembra questa strada,
quanto soffro per venirti a trovare!
Il cavallo si ferma nella salita,
la ruota s’inceppa per le buche e non gira.
Parto col buon tempo, di buon mattino,
il sole mi faceva compagnia...
poi arrivò la tempesta,
tempesta improvvisa,
e il cavallo perse la baldanza.
Ma se ti affacci al tuo balcone,
quando la voce dell'amore senti,
torna il sole nella mia giornata
e scordo tutti i miei patimenti.
Rosa di maggio fresca e radiosa,
sbocciata al solo calore del mio cuore...
Per me, il vento e l'acqua,
l'acqua e la gelata,
quando passo di qua non sono più niente.
|
