PINO VENEZIANO
LI SCARSI
| LI SCARSI Cui morinu ammazzati nta li fabbrichi, cui morinu scacciati sutta li casi, cui morinu malati ‘nta li ‘spitala, semu sempri njàtri scarsi. Cu sta ‘mpistatu Dintra li barracchi, lu cimiteru ddi li morti viventi, dunni li picciriddi vennu manciati ddi li surci comu rifiuti. S’ha vistu mai ‘na ricca essiri a luttu, picchì lu maritu travagghiava e morsi? Chistu succeri sulu a njatri scarsi, ‘cchì lu maritu ppi la casa è tuttu. ‘Un ci succeri mai ‘na disgrazia, parinu amici ddi lu Patrieternu, si la vulemu fatta chista grazia, nn’am’ a pigghiari lu cumannu. Facemuccillu finiri Chistu spassu, ormai havi assai chi sunnu ‘nta lu lussu, juncemuni tutti e senza aviri scantu prisintamuci lu cuntu. C’è ‘na malatia ca nun pirduna, chi veni ppi ‘nfittari a li riccuna, iddi si curanu, speranu chi passa però è mortali la malatìa russa. Hann’ a muriri sti lupa affamati, sùcanu sangu comu li vampiri sulu si nni nn’avemu libberatu pi njatri spunta lu suli. Russu è lu sangu Russu è lu suli Russu è lu focu Russi ci su’ tanti ciuri Russi semu tutti li scarsi. Ma allura di nivuru soccu cc’è? Cc’é sulu la mmerda. |
