GRUPPO MUSICALE: I MURRA

 

 

 

CANZONI

QUANNU NASCISTI TU

 

 

QUANNU NASCISTI TU
Testo Anonimo - Musica R. Messina) 

Quannu nascisti tu stidda lucenti
'nterra calaru tri ancili santi
vinniru li tri re di l'Orienti
purtannu cosi d'oru e di brillanti
tri aculi vularu prestamenti
dannu la nova a punenti e a livanti
bedda li to' biddizzi su' putenti
havi nov'anni chi ti sugnu amanti

Quannu nascisti tu scumidda d'oru
l'ancili di lu cielu s'alligraru
dimmillu cu ti detti su tisoru
novi torci d'argentu t'addumaru
tu sula cci poi stari 'nmezzu l'oru
'nmezzu li stiddi chi 'ncelu 'ngastaru
e quannu sparmi ssu capiddu d'oru
la notti fai pariri jornu chiaru.

Quannu li to' biddizzi si scupreru
picciotti e granni si maravigliaru
trimo' la terra e l'arvuli çiureru
tutti li munti un chianu addivintaru
tutti 'nta un puntu 'nta un fossu caderu
li porti di lu 'nfernu si sfirmaru
li morti 'nsepurtura arrivisceru
li to' biddizzi nn'arresuscitaru

Bella ca fusti fatta 'nta Palermu
e vattiata 'nta un fonti binignu
calanu li pittura d'ogni regnu
ppi dipinciri a tia capiddu biancu
a la to' casa ci secutu e vegnu
viju li to' biddizzi e mi cunfunnu
quannu nascisti tu trimà lu 'nfernu
nascì la bella di tuttu lu munnu.