LA SORTI DI LU MUNNU E L'OMU

Havi sensu attaccàrisi a stu munnu
comu appuzzànnusi a la minna ricca?
Ma l’omu sùrchia latti,
e gusta e licca,
e vulissi truvàrici lu funnu.

Pi quantu n’affannamu tutti 'n tunnu,
chiddru chi ci sucamu è sempri picca;
ma no ca lu capìcchiu si ci sicca
primu chi tu ti ntipi e jì m’abbunnu.

Succedi emmeci ca, tra tantu beni,
tardu s’arriva
e prestu ni nni jamu,
facennu largu a chiddru chi po’ veni.

Semu pòviri illusi chi arrivamu,
curremu 'n tunnu quantu pedi teni,
e sùbitu ni scura, e tracuddramu.  

LA SORTE DEL MONDO E L'UOMO

Ha senso appiccicarsi a questo mondo,
come imboccando la mammella ricca?
Ma l’uomo succhia linfa,
e gusta e lecca,
e bramerebbe di trovarne il fondo.

Per quanto ci affanniamo tutti in tondo,
quello che ne succhiamo è sempre poco;
ma non perché il capezzolo si secca
prima che tu ti intasi ed io mi abbondo.

Succede invece che tra tanto bene,
tardi si arriva
e presto ce ne andiamo,
facendo spazio a quello che poi viene.

Siamo poveri illusi che arriviamo,
corriamo in tondo finché il piede tiene,
e subito ci annotta, e tramontiamo.