CUNTRASTU A MISSINA
"Quattro capitani di bastimento provocarono
Fudduni in Messina coi seguenti versi
improvvisati uno per ciascheduno dei suddetti" (Vigo).
Capitani:
Petru Fudduni, cu la to' fuddìa
a lu populu ebreu ci duni 'ntrizzu;
allura ca Missina visti a tia,
visti un nìvuru carbunacchiu spugghiatizzu.
Fudduni:
Allura ca Missina visti a mia,
visti 'n'aquila d'oru supra un pizzu;
pigghiu a to' matri, a to' soru e a to' zia,
e tutti til'attaccu cu stu lizzu;
pigghiu li corna di la vuccirìa,
e 'n testa ad unu ad unu vil'appizzu;
sùgnu Fudduni pi la me ' fuddìa,
e a dumila pueti dugnu 'ntrizzu.
DUBBIU DU PICURARU E...
Haiu fatta 'na casa longa e stritta,
dintra ci stannu tri mila pirsuni;
e lu travagghiu so' fannu a l'additta,
puru l'onoratissimu patruni;
e la murami so' è tanta fitta
e'a sdiruparla ci vonnu picuni;
e tu, ca si' pueta di sidditta,
duna risposta a chisti mei canzuni.
.. RISPOSTA DI FUDDUNI
Tu ch'ai fattu 'na casa longa e stritta,
mi parinu vasceddi, pi ragiuni;
dintra ci sta la lapa biniditta,
ca fa lu meli e renni a lu patruni,
si vo' sapiri qual è cchiù sidditta,
cui fa la cira di nostru Signuri;
si sta canzuna non ti pari dritta
va' pi risposta nni Re Salumuni.
CUNTRASTU CU ROCCU STIVALA
Stivala:
Eu su ' Stivala, mastru di canzuni,
e natu sugnu supra Mongibbeddu;
va' spiaccìnni anchi a Salumuni,
chi ci haju datu e ci dugnu marteddu;
pi quali causa e quali ragiuni,
davanti di lu meu Ottaviu beddu,
tu duvirissi stari addinucchiuni,
quannu Stivala sta cu lu cappeddu.
Fudduni:
Eu su' lu Petru chiamatu Fudduni,
e sugnu di lu meu Palermu beddu;
e natu sugnu sutta un cristalluni,
unni si teni giudici e maceddu;
e tu, sbirrazzu assuggettu a un vastuni,
nimicu di la patria ribeddu,
tu duvirissi stari addinucchiuni;
sedi, arriventa e sta senza cappeddu.
Stivala:
Roccu Stivala chinu di canzuni,
e natu sugnu sutta Mongibbeddu;
vinìri avissi Apollu e Salumuni,
li tengu cu la lingua mia a marteddu;
arriventa e sta' tu senza cappeddu,
mentri ca don Ottaviu è to' patruni,
ed iu cumannu mannàra e marteddu.
Fudduni:
Iu sugnu Petru, e su' Petru Fudduni,
e sugnu natu 'ntra Palermu beddu;
m'ammuntuasti Apollu e Salumuni,
cu la lingua e li vrazza li marteddu;
migghiara ti nni fazzu di canzuni,
arriventa e sta' tu senza cappeddu;
mentri ca don Ottaviu è to' patruni,
iu ti cumannu mannara e marteddu.
|
CONTRASTO A MESSINA
Capitani:
Pietro Fudduni, con la tua follia
al popolo ebreo dai filo da torcere;
allorquando Messina ti ha visto
vide un uomo nero di carbone e con vestiti laceri.
Fudduni:
Allorquando messina mi vide,
vide un'aquila doro sopra un'altura;
prendo tua madre, tua sorella e tua zia,
e tutti te li lego con un laccio;
prendo le corna della Vucciria (mercato palermitano)
e in testa ad uno ad uno ve li conficco;
sono Fudduni per la mia follia,
e a duemila poeti do lezioni.
DUBBIO DEL PECORAIO E...
Ho fatto una casa lunga e stretta,
dentro ci stanno tre mila persone;
e il loro lavoro fanno in piedi,
pure l'onoratissimo padrone;
e le sue mura sono così robuste
che per distruggerla ci vogliono piconi;
e tu che sei poeta di valore
dai risposta a queste mie canzoni.
... RISPOSTA DI FUDDUNI
Tu che hai fatto una casa lunga e stretta,
mi sembrano vascelli, per ragione;
dentro ci sta un ape benedetta
che fa il miele e lo rende al padrone,
se vuoi sapere quale è più di valore,
chi fa la cera di nostro Signore:
se questa canzone npn ti pare giusta
vai per risposta da Re Salomone.
CONTRASTO CON ROCCO STIVALA
Stivala
Io sono Stivala, maestro di canzoni ,
e nato sono sopra Mongibello;
va a chiedere anche a Salomone,
che gli ho dato e gli do martello: (penso meglio di Re Salomone) perchè
davanti al mio Ottavio bello (protettore di Stivala)
tu dovresti stare in ginocchio
mentre Stivala sta con il cappello.
Fudduni:
Io sono Pietro chiamato Fudduni,
e sono di Palermo bello:
e nato sono sotto un cristallone,
dove si tiene la giustizia e il macello;
e tu sbirraccio, assoggettato al bastone; nemico e ribelle della patria,
tu dovresti stare in ginocchio,
siedi, riposati e stai senza cappello.
Stivala
Rocco Stivala, pieno di canzoni,
e nato sono sotto il Mongibello;
se venissero Apollo e Salomone
li terrei con la lingua mia a soggezione;
riposati e stai tu senza cappello,
mentre che don Ottavio è tuo padrone,
ed io comando mannaia e martello.
Fudduni
Io sono Pietro e sono Pietro Fudduni,
e sono nato in Palermo bello;
mi hai nominato Apollo e Salomone
con la lingua, le braccia e il martello;
mgliaia te ne faccio di canzoni,
riposati e stai tu senza cappello;
mentre che Don Ottavio è tuo padrone
io ti comando mannaia e martello
  
|
