TINTU CHIDD'OMU
Tintu chidd'omu chi confida in donna!
La donna t'ammali e poi t'inganna;
ti teni comu varca supra l'onna,
comu varca ti teni e ti cumanna;
quannu la criri d'essiri culonna,
tannu idda è gragili comu 'na canna;
si voi sapiri cosè la donna,
'ci mancio, vivi, dormime poi t'inganna
LA ME VICCHIAIA
La me' vicchiaia, pozza essiri accìsa,
ca stà jttata supra li vastuna,
quasi aiu persu la vista e la 'ntisa,
e mancu sentu botti di cannuna,
prima la vìrga mia, sempri era tisa
ora è abbaffàta supra li badduna,
e pìaisalla e fari a menzaprisa,
mi pisciu 'nnappa, quasetti e quasuna.
TU, PICCATURI, CHI CAMPI 'N CUVERTA.
L'omu chi di piccari si nni alletta
e offenniri a Diu pocu c'importa;
cu'è 'n piccatu murtali stassi all'erta,
havi lu corpu vivu e l'arma morta;
tu, piccaturi, chi campi 'n cuverta,
e va' a lu 'nfernu, poi, di mala sciorta;
cu'è 'n piccatu murtali stassi all'erta,
e'havi iu corpu vivu e l'arma morta.
ORA DI FICGHIU MI TROVU FIGGHIASTRU
Fazzu la vita iu, chi fa lu nigghiu,
di cima 'n cima d'un pedi d'agghiastru;
un versu lassù, e 'n'àutru nni pigghiu,
nun sacciu dunni vinni stu disastru;
omini e donni, a tutti vi cunsigghiu,
nun vegna nuddu chi si fazza mastru;
cridennu di me' patri essiri figghiu,
ora di figghiu mi trovu figghiastru.
