GTranslate

CANTASTORIE

RICETTE SICILIANE

Chi è online

Abbiamo 55 visitatori e nessun utente online

 AMICO MARIO


GIANNUZZU

 

Bbunu Giuannuzzu jera, un pizzu 'i pani 
e suttaterra a jurnata si scuttava,
certi voti, facija cosi strani:
scrivija biglittina e si sarbava

Avija l'ucchi, cumu u cilu dill' estati
e lu parlari sempri lestu a cunfùrtari
a ccu jera cunnanatu a suppurtari
lu destinu passatu 'nmizzu 'i strati.

E 'nmizzu 'i strati, cantava la sò vuci
ppi na Rosa ca stava tra li rosi
la criscija cu paroli duci duci
ma prestu finì lu cantu e nun la cosi.

Inchiva nna matina stirratura,
ò settimu livellu-a finitura
scattijò un curpu di tettu accussi forti
ca su purtò, ccu li vrazza di la morti.

Nne robbi c'attruvaru un biglittinu
ccu na scritta ntò rigu, finu finu
Rosa, dicja: "stasira quannu passu
u me cori, tuttu sanu ti lu lassu".

Giuannuzzu, avija vint' anni quannu morsi
la bedda giuvintù accussi la persi.
Dicinu a genti:
quann è sira e i stiddi su addumati
c' avija,
l'ucchi, biddi cumu u cielu dill' estati.
ppi tija i pàroli d'a' Puìsìja,
vàiju circànnu: ddi pàroli
ncantàti ca dìntra ù còri truniànu
e s' arrizzòlanu; e quannu s'attròvanu,
duci, duci, cunzolanu