FILICI TRUVARISI
Sulu lu prima nill’occhi naca di negghia marina sulamenti lu prima e scaluna - tanti scaluna - appinnuti a lu rostru du celu.
Filici truvarisi quann’u suli sgruppata a crinera ncap’u mantu di la notti s’arrisbigghia suvranu.
Filici truvarisi quannu pidati di luci tagghianu lu ventu arrassannu affranzi e l’arbulu mostra l’oru di la spranza.
A mia e a tia ogni jornu arriala tinnirizza e un sautu nu tempu a stu sciatari amurusu ca sciddica lentu.
|
FELICE TROVARSI
Solo il prima negli occhi culla di nebbia marina solamente il prima e gradini - tanti gradini – appesi al rostro del cielo.
Felice trovarsi quando il sole sciolta la criniera sopra il manto della notte si risveglia sovrano.
Felice trovarsi quando calci di luce tagliano il vento allontanando affanni e l’albero mostra l’oro della speranza.
A me e a te ogni giorno regala tenerezza e un salto nel tempo a questo fiatare amoroso che scivola lento.
|