PALISTINA

Unni la fidi pigghiau lu volu
Cristu acchiana ancora lu calvariu.
Du' mila anni non bastunu ancora
a purtari la paci in Palistina;
all'occhi di lu munnu
dda terra divintò 'na pulvirera
ca nuddu pò astutari.
Omini, donni, piccirìddì morunu
'nta lu nomu
di 'na libirtà ca non esisti.
Civari la morti
non è libirtà, è schiavitù.
libiru nasci sulu cu è 'ncuscenti,
lu saggiu, la libirtà
si la cunquista sulu cu la paci.
Unni la fidi pigghiau lu volu
Cristu acchiana ancora lu calvariu.