|
E CANTU E CANTU
parole, musica e voce di Lillo Catania
E cantu, e cantu, e cantu
stori’ tristi di la me terra
stori’ d’amuri e di spartenza
stori’ d’inganni e di viulenza.
E m’arritrovu quannu carusa
m’assicutava la fami pi strati
e si mangiava di cursa e a lu scuru
e si durmiva intra un lettu duru.
Cantu la storia di ‘na carusa
ca intra a chiesa parlava cu i santi
e ci diceva: “Madonna duci
fanni mangiari stasira ca luci.
Fammi purtari li to cannili
ca tu n’ha tanti a li to pedi…”
e aspittannu lu sì di li Santi
di ddi cannili si n’arrubò tanti.
E cantu, e cantu, e cantu
mentri ammeci vulissi durmiri
e pi ‘nsunnari la vita pinsata
e pi truvarici d’essiri amata.
E m’arritrovu in Cuntinenti
cu li guai stampati nill’occhi
sula, sulidda, abbannunata
chi mala sorti di emigrata.
E trovu a iddu ca mi talia
e mi piglia cuntentu pa manu
povera Rosa non era distinu
mancu cu chistu po’ jri luntanu.
E cantu, e cantu, e cantu
chisti tempi su tutti passati
ma si ci pensu lu cori mi chianci
lacrimi grossi comu l’aranci.
|
E CANTO E CANTO
E canto, e canto, e canto
storie tristi della mia terra
storie d’amore e di abbandoni
storie d’inganni e di violenza.
E mi ritrovo quando ragazzina
mi rincorreva la fame per le strade
e si mangiava di corsa e al buio
e si dormiva sopra un letto duro.
Canto la storia di una ragazzina
che dentro la chiesa parlava con i santi
e diceva: “Madonna dolce
facci mangiare stasera con la luce.
Fammi portare le tue candele
ché tu ne hai tante ai tuoi piedi…”
e aspettando il sì dei Santi
di quelle candele se ne rubò tante.
E canto, e canto, e canto
mentre invece vorrei dormire
e per sognare la vita desiderata
e per trovarci d’essere amata.
E mi ritrovo in Continente
Con i guai stampati negli occhi
sola, troppo sola, abbandonata
che mala sorte di emigrata.
E trovo lui che mi guarda
e mi piglia contento per mano
povera Rosa non era destino
neanche con questo puoi andare lontano.
E canto, e canto, e canto
questi tempi sono tutti passati
ma se ci penso il cuore mi piange
lacrime grosse come le arance.
|
