A VUCI N'ARRESTA

A sentu parrari luntana luntana
e’ cummigghiata e nun e’ na cristiana
granni o nica nun si capisci 
e’ iraniana ma pirchi patisci.
granni o nica nun si capisci 
e’ iraniara ma pirchi patisci.

Se bedda o ladia nun si sapi 
pri li cristiani nun e’ nurmali
ma idda vulissi sulu cantari
e puru parrari
ma idda vulissi sulu parrari 
e puru cantari

Nun taliati nun taliati
nun viditi ca chiama
chi fa’ si nun e’ siciliana

attintati attintati 
a so’ vuci luntana 
fimmina e’ siciliana
 o iraniana ia la la le

Terri 'nfucati
chini di chiantu
terri di turmentu
ca ponnu parrari 
nun diri nenti comu
 si fa cu li sintimienti
ponnu parrari
nun diri nenti comu
  si fa...                                                                                      
Nun taliati nun taliati
nun viditi ca chiama 
chi fa’  si nun e’ siciliana 
attintati attintati
a so’  vuci luntana
fimmina e’ siciliana o iraniana
ia la la laila………………………….

A terra nun si scorda
du ciuri ca crisci
ca quannu appassisci 
u so’ semi arrivisci

Ora a so’ carni
nun avi cchiu’ ciatu
e du so’ ciatu a vuci n’arresta
ora a so’ carni
nun avi cchiu’ ciatu
e du so’ ciatu a vuci n’arresta

nun taliati nun taliati 
nun viditi ca chiama
nun taliati nun taliati 
nun viditi ca chiama
nun taliati nun taliati 
nun viditi ca chiama
nun taliati nun taliati 
nun viditi ca…………….. 

 a vuci n’arresta