A MARSALISA.

(Parole e musica di Totò Mirabile)

A fimmina marsalisa è d’antica biddizza
u simbulu di bontàti e sprindenti ricchizza.

A fimmina marsalisa è pi tutti bidduna
biddizza di la chiana e di la marina.

A fimmina marsalisa è fruttu di vinnigna
biddizza chi veru ‘mmiaca a l’omu c’à ‘ncugna.

E canta e balla a marsalisa
gioia e dilizia di ogni casa.
E l’omu arresta affascinatu
di la marsalisa s’annamuratu.

E balla e canta a marsalisa
gioia e dilizia di ogni casa.
E l’omu arresta affascinatu
di la marsalisa s’annamuratu.

E canta e balla a marsalisa
gioia e dilizia … di ogni casa…
di ogni casa.

A fimmina marsalisa è ‘na ranni riggina
di terra Lilybitana la cchiù bedda e fina.

A fimmina marsalisa è ‘na rosa baggiana
profumu du stagnuni e ventu di salina.

A fimmina marsalisa di sta terra è vantu
e l’omini ci cantanu stu ran cantu.

E canta e balla a marsalisa
gioia e dilizia di ogni casa.
E l’omu arresta affascinatu
di la marsalisa s’annamuratu.

E balla e canta a marsalisa
gioia e dilizia di ogni casa.
E l’omu arresta affascinatu
di la marsalisa s’annamuratu.

E canta e balla a marsalisa
gioia e dilizia … di ogni casa…
di ogni casa.