GTranslate

CANTASTORIE

RICETTE SICILIANE

Chi è online

Abbiamo 141 visitatori e nessun utente online

 

SARA FAVARO'

 

CANZONI

CHISTA SUGNU

CHISTA SUGNU
Sara Favarò

Chista sugnu: carne e sangu 
menti e cori
dimmina, fimmina e matri
vrazzi e manu ca toccanu u celu 
e 'mpastanu a terra.
Ma nun m'addumannati autru 
nun m'addumannati chi lingua parlu 
Nascivu 'nda na terra
vagnata di lacrimi e sangu
e vulissi asciucari li so chiai di sempri 
pi vidilla arridiri na vota...
na vota sula , ma no 
nunn'è me matri no!... 
u suli mu dici ogni matina:
Figghia do munnu si:::
Figghia do munnu.
Nun m'addumannati di chi partitu sugnu 
u marchiu 'nda carni di voi 
arrusti e feti. 
Nun m'addumannati se iu vasu i pedi o Signuri
Cristu... è sempri cca davanti all'occhi mei 
l'orbi un lu vidunu
St'omu m'insigna ad amari li poveri
m'insigna a ghisari a vuci
Iddu... iddu m'insigna a spartitimi u pani 
cu l'affamati
Nasciu 'nda na stadda Cristu, 
pridicava scausu
e na pocu ancora oggi isunu calici d'oru
vistuti in pompa magna.
A missa, ma dicu, ma dicu a dinucchiuni,
'menzu i strati, amannu i boni e i tinti 
e chiddi ca sunnu tinti 
nun vulissiru essiri trinti.
Chista sugnu:
furnu 'ndo cori di tutti
ligna e vampi 'ndo cori di tutti 
moru, u sacciu ca moru 
ma arrivisciu 'ndo cori di tutti.
Chista sugnu:
Amuri u celu cu suli 
pi chiddu annigghiatu.
Amuri... u mari sirenu 
pi chiddu in tempesta.
Amuri... pi l'arbuli sciuruti
e pi chiddi sicchi.
Chista sugnu:
un cocciu di luci chi sbampa d'amuri 
cu sciusciu di tutti.
Chista sugnu:
na muddichedda di rina 
na praia di mari e non vogli anniari.
La me manu è zappa... funtana...
e pugnu di frumentu.
Iu... lu siminu... simunu...
e abbiviru.
Chista sugnu:
nun m'addumannati autru.