PINO VENEZIANO

 

CINCU CIURI RUSSI

 

 

CINCU CIURI RUSSI

Cincu ciuri russi
comu lu focu,
foru pigghiati a muzzu
ddi ‘nta lu mazzu
eranu comu li spirdi
ppi lu nimicu,
chi pi lu scantu
addivintau pazzu.
Foru pigghiati
e turturati,
po’ cu disprezzu
foru ammazzati.
Cincu omini russi
di culuri
morsiru senza nuddu
a lu capizzu
morsiru cantannu
chistu è lu prezzu
chi paga cu
si voli libbirari.
Eranu patri
eranu figghi
di tutti chiddi
ca su sfruttati.
Morsiru senza jittari
mancu ‘na vuci,
comu careru
si misiru a vulari,
ppi diri a ccu ancora ‘un voli capiri,
chi lu fascismu ammazza li nimici.
Ma ‘un la sintiti,
la so vuci chi dici :
Pi la libirtàti muriri è dduci!

 

 

GTranslate

CANTASTORIE

RICETTE SICILIANE

Chi è online

Abbiamo 60 visitatori e nessun utente online