PICURAREDDU
(dall'opera: "U Cuntu du ciaramiddaru: 
Vincenzo Calamita" 
autore: Mel Vizzi 

LA CUMPAGNIA DEL CUNTASTORIE 
Mel Vizzi - Angelo Zimmile -Cinzia Marotta

(parlato)
Sta picurèddra mia… cciù nun camìna…
Persi la testa, persi… puru a lana…
Vita nun ‘avi cchiù… cu cci la duna ?
Si cci po’ dari sulu… cu li purmùna.

Sciatùzzu du me còri… cchi vuci bèddra !
Finìsti u và-e-bbèna… ni la me staddra…
Latti nun fài cchiùi… si ciaramèddra…
Beddra ! pari scartàta… ‘mmenzu la fùddra !

(canto)

Picurarèddru… ca ‘mmucca mi tèni…
Stà ciaramèddra quantu la… vò bèni !
Tantu m’abbràzzi di morta.. tu ora…
Di viva ‘un’ci’àppi mancu na… palòra…

Sèmpri arraggiàtu… ccu 'mmìa ti spuàvi…
Pètri mi tràvi….. e appò... mi circàvi…
Sempri nirvùsu… ppi’ tràrimi u latti…
Ed’ ia gilusa… quann’ìvi nill’àttri.

Picurarèddru… tannu ìa ti vulìa….
Ma eri tù…… ca nun vulìvi a 'mmìa…
Na tò carìzza…. parìa cos’ e pazzi…
Ed ora, di morta… mi vasi e m’abbràzzi !

Picurarèddru…. pp’avìri u tò amùri…
Avìa murìri… ccu gràn dulùri !
Sta picurèddra… capìri nun po’…
Pirchì sulu ora… sugnu u sciàtu tò.

Picurarèddru… ca ‘mmucca mi tèni…
Stà ciaramèddra… quantu la vò bèni !
Sta picurèddra… capìri nun po’…
Pirchì sulu ora… sugnu u sciàtu tò. 


(parlato)
Sì morta e pari ca… scòppìi 'i saluti…
‘un t’àiu vistu mai… cussì avunciàta.
A sèntiti s’arrèsta… surdi e muti !
Co t’amparà ‘ssà musica ‘ncantàta ?

Nun ‘àva ‘ntìsu mai… ssà vuci fina…
Di viva ‘un ci l’avìvi… accussì bbòna…
Sulu bilàvi... da sira a matina…
Ma ora è n’incàntu ca tutti appassiona.

Tu ciaramèddra mia… vùnciti e sona…
Ca t’accumpàgna u cìmm’lu… e a vuci ‘ntòna…
Pìgliti st’ arma mia… ca si spurmùna…
Di lu mè sciàtu tu… si la patrùna !