LU CELU E' NA CUPERTA ARRACCAMATA
Nonò Salamone

Lu celu e' na cuperta arraccamata
la luna tra li stiddi fa la spia
ed iu la fazzu a tia sta sirinata
cu sta chitarra e cu sti sunatura.

Siddu li petri avissiru furtuna
nun fussiru jittati strati strati,
mancu fabbricateddi tra li mura
e a corpi di marteddi martiddati.

Genti ca siti cca' genti ca siti cca'
lassatimi vogliu canta',
genti ca siti cca' genti ca siti cca'
lassatimi vogliu canta'.

Stanotti la me casa fu lu cielu,
foru li stiddi ca mi ripararu,
pi materazzu n'umidu tirrenu
e pi capizzu un carduneddu amaru.
Tutta la notti stetti a lu sirenu
di prima sira finu a jornu chiaru,
e affaccia bedda e vidi comu tremu
vidi comu mi fa lu jancularu

Genti ca siti cca' genti ca siti cca'
lassatimi vogliu canta',
genti ca siti cca' genti ca siti cca'
lassatimi vogliu canta'.