GRAMIGNA

Girolamo La Marca (voce Girolamo La Marca)

 




GRAMIGNA
Nun vuogliu pinsàri,
ca pinsàri mi fa mali,
sientu un macinièddru
ca mi scalìa la midùddra,
e nièsciuni,
cuomu quannu c' è fuddra,
ammuttànnusi tutti
li ma pinsèra,
ca su tanti,ma tanti
ca ci vulissi na vita ntera
a cuntàlli tutti.
Miegliu campa felici
cu si nni futti,
cu nun chiànta j
macchji Id'arànci,
cu nun zappa
e nun chjianci
si lu pièrsicu j'è purrìtu
e lu furmientu nun spica.
Iddru mancia
suli li frutti,
e munnàlli ,j'è
glà na gran fatica.
Ma la ma vita
è chista,
nu la puozzu chiù canciàri..
e piensu matina e sira
a comu l'affaràvu
st'arma mia
ca nun c'è acqua d'in cielu
o d' in terra
ca la po chju'
arripigliàri.
E cuomu gramìgna
li pinsèra m'affùcanu
ogni gnuornu
amaramenti....
no,nun ci po nenti,
mi sientu stancu,
sprimuto,senza nenti,
ntrita di vìnniri martìdia,
a lu mercatu ,
a picca priezzu,
roba
a pirnènti.
No,nun mi vuogliu
custirnàri,
miegliu dòrmiri
e pinsàri d'èssiri
ancora picciliddru
e satàri,cuomu n'agrìddru,
mbrazza a ma matri
ca ji'è ni lu finisciùni,
chijujiri a pampinèddra
l'uocchji,
e firmàri li ma pinsèra
midè e pi sempri
intra un casciùni...
 




















































 

 

 

 
 

 

 

 

 

 

 

 

 

 

 

 

 

 

 

 

 

 

 

 
 

GTranslate

CANTASTORIE

RICETTE SICILIANE

Chi è online

Abbiamo 192 visitatori e nessun utente online