AMURI DI CARRITTERI
Orazio Stranio
La mezzanotti sentu ca mi sona,
dda sutta du nu jancu cu sta luna.
Na rota pigghia petri, va a tantona,
l'autra non pigghia, mancu una.
Lu me cavaddru accurza lu stratuni
e d'ogni tantu pigghia a truppicuni.
Iu sugnu cu la testa a pinnuluni
lu sonnu sentu a l'occhi ca mi veni.
e d'ogni tantu fazzu un pinnucuni
m'insonnu a Mara ca mi coli beni
m'abbrazza fort,i mi vasa e mi dici
spusami Turi miu, fammi felici.
Arsira cim lu dissi a tanti amici
dumani a lu me cori dugnu paci,
Tu dormi a surrandà, lu to littinu
e ad ........ in caminu
Eh! cavaddru malandrinu.
Non passa tantu ca sugnu vicinu,
già vidu la casa di luntanu
la rosa janca cu lu gersominu
me pari ca li toccu cu li manu
Oh! finalmenti dopu tantu strada
Maruzza sugnu ca nda sta cuntrada .
Turiddu c'è me matri arrusvigghiata,
è megghiu ca ritorni nautra vota,
mi dasti in cori na gran pugnalata
la testa mi furria comu na rota.
Affaccia almenu va! senti na cosa,
di lu barcuni tò jetta na rosa.
Di ccà m'affacciu beddu carritteri,
ma pi sta notti non pozzu scappari,
la rosa ti la dugnu vulinteri,
mettila 'npettu ca ti fa calmari.
Ma chi mi dici facci di bammina
lu sangu chiù m'infoca in ogni vina.
Ritorna amuri n'autra matina,
nun senti ca me patri si n'adduna,
ma dimmi ca ti portu a Taormina
tutti li lucenti stiddi e cu sta luna.
E si non veni bedda ti lo giuru
iu ca nun tornu di sicuru.
Turiddu amuri miu ti nu scungiuru.
lu cori mi facisti attunnamari,
se mi nni vegnu tutta m'apprimuru
tu si lu beni miu chiù granni e caru
e nda li vrazza prestu mi jettu
pirchì lu cori miu svampa df'affettu
Acchiana Mara supra stu carrettu,
ca di la gioia quasi sugnu, mattu,
teniti forti stringiti a stu pettu
ormai tu si la mia, lu fattu è fattu
La luna guarda a nui 'nda stu mumentu,
li stiddi puru di lu firmamentu.
Ah ccà, cavaddru miu, curri pi centu
ca la me bedda ci l'haiu daccantu,
e a Taurmina semu 'nda un mumentu,
nda ddu paisi d'amuri e d'incantu.
Maria la vesti di spusa si misi
ca ju ci la purtai di lu paisi.
Eh! ... cavaddu malandrinu
Tutti affacciati li taurminesi,
guardanu signa a nui li curiusi
pirch'è na nuvità pi lu pasisi
'nda lu carrettu nuvelli spusi.
Sta na gran jurnata mai ni la scurdamu,
quantu gioia a li cori ca ci damu
Avi quattru uri ca caminamu
fujuti di sta notti ancora semu
e a Taormina oggi ni spusamu
senza cunsensu ca l'età l'avemu.
,
Dopu turnamu a la casa cuntenti
ca n'aspettunu amici cu parenti.
Orazio Strano, caposcuola e autorità indiscussa, è stato il più famoso cantastorie della Sicilia orientale; è considerato da molti il padre dei cantastorie siciliani, era paralitico ma questa sua condizione non gli impediva di spostarsi di città in città; si esibiva seduto sul carrozzino accompagnandosi con la sua inseparabile chitarra e alle volte con un mandolino.
|
