SI NI LA VITA NOSTRA

Si ni 'sta vita nostra a la scurata
ci fussi un’alba arrè
china di 'ncantu,
m’abbrazzassi cu tia
ni lu to mantu,
aspittannu cu fidi l’agghiurnari.

Si doppu la vinnigna
e 'u scutulari,
e aviri siminatu e contu tantu,
di l’annu novu
ni mmurcassi un cantu,
chi gioia séntisi risuscitari.

Vulissi ca mi fùssitu jardinu,
e jì ni lu to pettu fussi khiuri,
arradicatu ni lu to destinu.

Chi fussi bellu doppu lu duluri
di la spartenza,
tràsiri a fistinu
intra la luci d’un eternu Amuri.

SE NELLA VITA NOSTRA

Se in questa vita nostra all’imbrunire
ci fosse un’alba ancor
piena d’incanto,
mi abbraccerei con te
dentro il tuo manto,
aspettando con fede l’albeggiare.

Se dopo la vendemmia
e l’abbacchiare,
e avere seminato e colto tanto,
dell’anno nuovo
ci destasse un canto,
che gioia sentirsi risuscitare.

Io vorrei che mi fossi tu giardino,
ed io nel petto tuo ti fossi fiore, a
bbarbicato dentro il tuo destino.

Come sarebbe bello dopo il dolore
del distacco,
entrare nel festino
dentro la luce di un eterno Amore