LU CANTU DI LA NOTTI

Sentu
aggiuccatu a l'aria
(lu sentu e già mi susu)
lu cantu di la notti, e lu me cori
a brama d'occhi
a ciampulìu di mani
lu piglia, si l'abbrazza e lu fa so'.

Cucchi riali, giuraneddri e griddri
mi fannu di ogni troffa cumpagnia.
E mi dùnanu mùsica li stiddri:
'na musica chi scinni cu la luci,
…..e parpaddrìa.

Mi perdu nni 'sta notti e nni 'stu 'ncantu.
Sentu a 'na vota un chiantu
di mènnuli khiuruti nni lu scuru:
intra 'ddru scuru di khiannachi e timpi
unni la luna nun ci pò.

Lu jèlu
stringi li khiuri a morsa giru-giru;
ci manca lu suspiru;
agghiàccianu di scantu...

L'àrbuli si sbrizzìanu di chiantu.
"Chi vali, amuri miu; chi vali, amuri,
cantari e rikhiuriri e lustru fari?"
chiancinu khiuri e griddri
e cannileddri
di picurari.

"Di chi munnu è munnu,
ad ogni cantunera c'è un malannu.
Ad unu ad unu jàmu tutti a funnu,
di tantu celu e terra fatti nenti".
Eppuru, (nun ci cridi, ma mi pari
ca nni 'sta notti chi gnilànnu va,
mentri lu celu va pirdennu stiddri,
la neglia cala
e po' la luci spiddri),...
mi pari ca spuntassi 'na picchiusa:
un meccu nicu,
trimuliànnu, all'aria lustru fa;
ed a li passi to' si fa lustrura
pi diriti "camina e tira avanti,
fin'a chi dura”.

Picca dura, lu sacciu: dura picca
la gioia di 'na vita. È 'na scintilla
chi nn'allùcia a 'na vota,
e già s'astuta.
Ma è bella e mila godu.
E goditilla!

Li fogli 'ncripiddreru;
li khiuri sciluccavanu e caderu.
Ma c'è li rami;
c'è li pedi, e c'è...
li rràdichi funnuti;
e su' la vita
abbrazzata cu forza a lu turrenu.

E si la foglia 'ncripiddrisci e cadi,
si lu jèlu li zagari appadisci,
e si qualcunu e si qualcosa mori,
ci su' sempri li rràdichi!
C'è spranza di risùscita a lu cori.
E sentu, e ancora sentu, e sentu ancora
lu cantu di la notti.

Spicchiulia e brilla ad ali d'angilu,
Triàli.
È tantu lu sò 'ncantu,
ca l'omu, a cori spantu,
s'addumanna si chissu è paradisu:
lu regnu di la favula 'ncantata.

E mentri sprallucennu 'n celu va,
ti manna li so' pàlpiti
e la luci pi dari e dari e dari fina ccà,
'ddru lustru chi, livànnuni ogni cruci,
pi l'aria senza pisu nni cunnuci.

IL CANTO DELLA NOTTE

Sento,
accoccolato sull’aia
(già mi alzo),
il canto della notte e il mio cuore
lo afferra furtivamente
e rapidamente con le mani
lo prende, lo abbraccia e lo fa suo.

Gufi reali, ranocchie e grilli
mi fanno compagnia da ogni cespuglio.
E le stelle mi danno musica
una musica che scende con la luce
e fa palpitare il cuore.

Mi perdo in questa notte e in quest’incanto
Sento d’un tratto il pianto
di mandorli fioriti nel buio,
dentro quel buio di terrazzamenti e terreni scoscesi dove la luna non può,

Il gelo
stringe i fiori in una morsa;
manca loro il respiro:
agghiacciano di spavento…

Gli alberi si riempiono di brina di pianto
“Che vale, amore mio, che vale, amore,
cantare, rifiorire e fare luce?”
piangono fiori, grilli
e lucciole

Da sempre
ad ogni cantone c’è un malanno
ad uno ad uno andiamo tutti a fondo
tanto cielo e terra che ci sovrastano ci riducono a niente. Eppure, (non ci credi, ma mi sembra
che in questa notte che gelando va
mentre il cielo va perdendo le stelle
la nebbia cala e poi la luce va via
mi sembra che spuntasse un lumicino ad olio,
uno stoppino piccolo,
tremolante, fa luce all’aria
e ai tuoi passi si fa luce per dirti
“cammina, tira avanti, fin che dura”

Poco dura, lo so: poco dura
la gioia di una vita. E’ una scintilla
che m’illumina d’un tratto
e già si spegne
Ma è bella e me la godo
E goditela

Le foglie sono raggrinzite;
i fiori sono appassiti a causa dello scirocco
e sono caduti
Ma ci sono i rami;
ci sono i tronchi e ci sono….
le radici profonde;
e sopra la vita
abbracciata con forza al terreno

E se la foglia raggrinzisce e cade,
se il gelo appassisce la zagara,
e se qualche parte dell’albero muore
ci sono sempre le radici
C’è una speranza che fa rivivere il cuore
E sento, e ancora sento e sento ancora
Il canto della notte.

Risplende con luce cangiante e brilla come ali d’angelo.  Triali. (la costellazione d’Orione)
E’ tanto il suo incanto,
che l’uomo con cuore spaventato,
si chiede se questo è il Paradiso,
il regno della favola incantata

E mentre Orione risplende e va per il cielo,
ti manda i suoi palpiti
e la luce, per dare e dare e dare fin qui,
quella luce che levandoci ogni croce,
per l’aria senza peso ci conduce