GTranslate

CANTASTORIE

RICETTE SICILIANE

Chi è online

Abbiamo 276 visitatori e nessun utente online

 

PROVERBI SICILIANI


canta Rosa Balistreri

                                       

 

 

 

 

 

PROVERBI SICILIANI
Tutti li cosi vannu a lu pinninu
ed a lu peju ’un ci si ‘nclina ognunu
a cu duna a cu leva lu distinu
e nun ci pari mai lu nostru dunu.
Nun curri paru lu nostru caminu
pocu cridi lu saggiu a l’importunu
lu riccu mancu cridi a lu mischinu
lu saziu nun cridi a lu dijunu.
Pi troppu ventu lu vasceddu sferra
pi la gran frevi lu malatu sparra
p’assai cunsigli si perdi la guerra
e pi tanti giudizii si sgarra.
Lauda lu mari e teniti a la terra
pensa la cosa prima ca si sparla
pirchì haju ntisu diri a la me terra
cu fa li cosi giusti mai li sgarra.
A chiànciri figliuzza chi cci cavi
lu sangu t’arribbelli e po’ murìri
pacenzia ci voli a li burraschi
ca nun si mancia meli senza muschi.
Ma cu du’ lepri voli assicutari
nè unu e nè l’autru po’ aggarrari
ma cu nun fa lu gruppu a la gugliata
perdi lu cuntu cchiù di na vota.
Ci dissi lu jadduzzu a la puddastra
tuttu lu munnu è comu casa nostra
ci dissi la padedda a la gradiglia
haiu pisci grossi mancia e no fragaglia.
Accosta veni ccà mancia carduna
ca a lu casteddu mancianu picciuna
rispunni e dici lu ziu Nicola
si la pignata ’un vuddi nun si cala.
Lu picuraru ca fa la ricotta
lu sapi iddu l’amici c’aspetta
la furca nun è fatta pi lu riccu
è fatta pi la testa di lu porcu.
‘Nni la testa d’un maiali
tu ci manci tu ci sciali
‘nni la testa d’un cunigghiu
nenti lassu e nenti pigghiu.
Timpirateddu ti vivi lu vinu
ca ti teni lu stomacu ntonucu
ammucciau lu latinu
fu gnuranza di parrinu.
’Un c’è festa e nè fistinu
si ’un c’è un monacu e un parrinu
ma lu monacu da Badia
a Gesù lu patrunia,
C’è la monica di casa
a Gesù lu stringi e vasa
‘nni la casa di Gesù
‘nzoccu trasi ’un nesci chiù.
Ma cu havi na bona vigna
havi pani, vinu e ligna
e lu trivuli e lu beni
cu cci l’havi si lu teni.
Quannu chiovi di matina
pigghia l’aratru e và simina
quannu veni lu giugnettu
lu frumentu sutta lu lettu,
ma la luna di jnnaru
luci comu jornu chiaru.
Signuruzzu chiuviti chiuviti
ca l’arburiddi su morti di siti
e si acqua ’un nni mannati
semu persi e cunsumati
L’acqua di ‘ncelu sazìa la terra
funti china di pietàti,
li nostri lacrimi posanu nterra
e Diu ‘nni fa la carità.
Nesci, nesci suli, suli
pi lu santu Sarvaturi,
’etta un pugnu di nuciddi
arricrìa li picciriddi
etta un pugnu di dinari
arricrìa li cristiani,
’etta un pugnu di fumeri
arricrìa li cavaleri.

          

 

PROVERBI SICILIANI
Tutte le cose vanno in fondo

e al peggio nessuno si rassegna
ad alcuni il destino dà e ad altri leva
e non sappiamo mai ciò che è nostro.
Non corre diritto il nostro cammino
il saggio poco crede all’importuno
il ricco nemmeno crede al meschino
e il sazio non crede al digiuno.
Per troppo vento il vascello sbanda
per la gran febbre il malato sparla
per molti consigli si perde la guerra
e per troppi giudizi si sgarra.
Loda il mare e tieni i piedi fermi a terra
pensa la cosa prima di parlare
perché ho sentito dire dalle mie parti
chi fa le cose giuste mai le sbaglia.
A piangere figliola cosa ci ricavi
il sangue ti ribolle e puoi morire
pazienza ci vuole nelle burrasche
perché non si mangia miele senza mosche.
Ma chi due lepri vuole inseguire
né una né l’altra può afferrare
ma chi non fa il nodo all’ago
perde il conto più di una volta.
Disse il galletto alla gallina
tutto il mondo è come casa nostra
disse la padella alla graticola
ho pesci grossi: mangia! e non frattaglie.
Accosta vieni qua mangia cardi
perché al castello mangiano piccioni
risponde e dice lo Zio Nicola
se la pentola non bolle non si versa la pasta.
Il pastore che fa la ricotta
lo sa lui gli amici che aspetta
la forca non è fatta per il ricco
è fatta per la testa del porco.
Nella testa d’un maiale
tu ci mangi, tu ci sciali
nella testa d’un coniglio
niente lascio e niente piglio.
Pian pianino ti bevi il vino
ché ti tonifica lo stomac
chi ha nascosto il latino
fu ignoranza di prete.
Non c’è festa né festino
se non c’è un monaco e un sacerdote
ma il monaco della Badia
a Gesù lo chiama padrone.
C’è la monaca
di casa a Gesù lo stringe e bacia
nella casa di Gesù
quel che entra non esce più.
Ma chi ha una buona vigna
ha pane, vino e legna e il pianto
ed il bene chi ce l’ha se lo tiene.
Quando piove di mattina
prendi l’aratro e vai a seminare
quando viene giugno
il frumento sotto il letto, ma la luna
di gennaio luccica come giorno chiaro.
O Signore fate piovere, fate piovere
perchè gli alberelli sono assetati
e se acqua non ne mandate
siamo perduti e rovinati.
L’acqua del cielo sazia la terra
fonte piena di pietà
le nostre lacrime cascano a terra
e Dio ci fa la carità.
Esci, esci sole, sole per il Santo Salvatore
getta un pugno di noccioline
fai gioire i bambini
butta un pugno di denari
fai contenti gli uomini,
butta un pugno di concime
fai contenti i cavalieri.       

 

 

I proverbi sono presenti in tutte le società e sono il concentrato dell’esperienza degli anziani, che con poche parole riescono a racchiudere grandi verità, che sono sempre valide in tutti i continenti. Il Verga nel suo “Malavoglia” ne cita diversi decine; intere biblioteche si possono formare raccogliendo tutti i proverbi siciliani Ogni paesello ha i suoi proverbi, anche se alcuni uguali con piccole variazioni. In questa canzone vi sono moltissimi proverbi e provengono da tanti paesi; uno più interessante e profondo dell’altro, uno più vero dell’altro. La prima parte dei versi sono formati da endecasillabi, la seconda parte da ottonari, la musica presenta un tempo di 4/4 con tonalità di Mi maggiore. 
Vedi copia da “Canti siciliani, 1857 del Vigo a pag. 458 al n. 72 “Pi lu gran tempu lu vascellu sferra” e copia del Pitrè a pag. 459 “Nesci nesci, suli suli” al n. 8

Nicolò La Perna

interpretazioni di altri artisti

http://www.youtube.com/watch?v=rNQ7RiOEqRk
Alfio Antico e Carmen Consoli

http://www.youtube.com/watch?v=wSZpID75vak
Antonella Costantino

http://www.youtube.com/watch?v=sroxo42g7P0
I Raculmet